||श्री मारुतिस्तोत्र||
भीमरूपी स्तोत्र म्हणजे मारुतीचे स्तोत्र. हे स्तोत्र विशेषत: सायंकाळी देवापुढें बसून म्हणतात.
भीमरुपी महारुद्रा , वज्रहनुमान मारुति ।
वनारी अंजनीसूता , रामदूता प्रभंजना ॥
महाबळी प्राणदाता , सकंळा उठवी बळें ।
सौख्यकारी दःखहारी , दुत वैष्णवगायका ॥
दीननाथा हरीरुपा , सुंदरा जगदंतरा ।
पातालदेवताहंता, भव्यसिंदूरलेपना ॥
लोकनाथा जगन्नाथा , प्राणनाथा , पुरातना ।
पुण्यवंता,पुण्यशीला , पावना परितोशका ॥
ध्वजांगे उचली बाहो , आवेशें लोटला पुढे ।
काळाग्नी , काळरुद्राग्नी , देखतां कांपती भयें ॥
ब्रम्हांडे माइली नेणों, आंवळें दंतपंगती ।
नेत्राग्नि चालिल्या ज्वाळा , भ्रुकुटी,ताठिल्या- बळें ॥
पुच्छ तें मुरडिलें माथां , किरीटी कुंडले बरीं ।
सुवर्णकटिकासोटी,घंटा किंकिणि नागरा ॥
ठकारे पर्वताऐसा, नेटका सडपातळू ।
चपळांग पाहतां मोठे , महाविद्युल्लतेपरी ॥
कोटिच्या कोटि उड्डाणें , झेपावें उत्तरेकडे ॥
मंद्राद्रीसारीखा द्रोणु, क्रोधें उत्पाटिला बळे ॥
आणिला मागुती नेला , आला गेला मनोगतीं ।
मनासी टाकिलें मागें , गतीसी तुळणा नसे ॥
अणुपासोनी ब्रम्हांडा येव्हडा होत जातसे ।
तयासी तुळणा कोठें , मेरुमंदार धाकुटे ॥
ब्रम्हांडाभोंवतें वेढे , वज्रपुछए करुं शके ।
तयासी तुळणा कैंची , ब्रम्हांडीं पाहतां नसे ॥
आरक्त देखिलें डोळा , ग्रासिलें सुर्यमंडळा।
वाढ्ता वाढता वाढे , भेदिलें शुन्यमंडळा ॥
धनधान्य, पशुवृध्दि,पुत्रपौत्र समग्रही ।
पावती रुपविद्यादि , स्तोत्रपाठें करुनीयां ॥
भूतप्रेतसमंधादि , रोगव्याधि समस्तहि ।
नासती तुटती चिंता , आनंदे भीमदर्शनें ।
हे ध्ररा पंधरा श्लोकी , लाभली शोभली बरी ॥
दृढदेहो निसंदेहो सौख्ये चंद्रकळागुणें ॥
रामदासीं अग्रगण्यू कपिकुळासी मंडणू ।
रामरुपी अंतरात्मा , दर्शनें दोष नासती ॥
।। इति श्रीरामदासकॄत संकटनिरसनं मारुतिस्तोत्रं संपूर्णं ॥
|
|
No comments:
Post a Comment